القدوه الفالسو
----------------
كلنا عارفين ان معنى القدوه معنى كبير اوى ولازم يكون لنا قدوه حسنه نمشى على نهجها ولا ايه؟ولكن ! اغلبيتنا بيكونوا "قدوه فالسو" قدام الناس وقدام ولادهم , احنا كده احلى ناس تتكلم وبساجمل ناس تفتى وتتكلم احنا شعوب بوء ماتاخدوش منا غير اجمل الكلمات والغريبه تلائى كلامنا غير افعالناانا بشوف ناس تكلمك وتحس انها ناس فاضل لهم جناحين ويبئوا ملايكه , لكن لما بشوف افعالهم بقول فىنفسى اسمع كلامك اصدقك ..اشوف امورك استعجب
اوعى تكون راجل بوء قدام ولادك؟
**********************
انا عاوزه بس افهم حاجه هوالاب لزمته ايه فى البيت اليومين دول ؟ هل لزمته يتخانق ويعلى صوته ويضربويهين زوجته واولاده طول الليل والنهار؟ لما الاب يفضل يشتم ويسب صحابه فى الشغل وجيرانه وقرايبه , عايز ابنك ولا بنتك يكونوا ايه لما يشوفوكبتشتم يعملوا ايه؟ ولو شتموا ذيك اما تضحك وتقولهم اشتموا كمان وتكون فرحان ان ابنك كبر وبئى بيشتم ههههههولما يكبر تعاقبه وتقوله عيب الشتيمه .. اما انت أب متناقض اوى تفرح وتشجع ابنك على الشتايم والسب وهوصغير ولما يكبر تقوله عيب ههههههه , مهو لو كنت عارف ان "من شب على شىء شاب عليه" ماتغيرشواقع مرير انت صنعته بايدك , وبعدين صدقنى كلامك مش هيقبله لانه وقتها هيقول عليك فى سره "فاقد الشىء لايعطيه" ولما ابنك يشوفك وانت ماسك سيجاره ولا حشيش ولا مدمن ولا مش بتصلى ياترى هيبئى لك عليه تاثيرانك تقوله صلى؟ او السجاير مضره بالصحه؟ ساعتها هيقول فى نفسه عليك .. بينصحى بحاجه هو بيعملها ولما ولادك يشوفواك بتتفرج على افلام خادشه للحياء وبتبص على الجيران .. هل بعد كده لما تقول لابنك حرام وعيب لما تبص على جارك وحرام لما تشوف افلام خادشه للحياء .. هل هيستجيب لك؟ ..وقتها هيقول عليك ماينصح نفسه .. وساعتها مش هيكونلك اى تاثير على ولادك لانك بكل صراحه "اب فالسو" مزيف , اللى زرعته فى ولادك فى يوم من الايام هتحصده وماتزعلش وماتقولش ولادى وحشين لان دى بذرتك اللى انت زرعتها بتربيتكواخلاقك انت
اوعى تكونى أم على لما تفرج؟
*******************
ياست الكل يامربيه يافاضله , انا عاوزة اسالك سؤال واحد بس واقولك انتى ليه بتعاقبى ولادك لو كدبوا ؟مانتىكمان كدابه ليل نهار , لما تقولى لولادك ذاكروا ياولاد ولما تخلصوا هنخرج نتفسح ههههه ولما يخلصوا مذاكره تقولى لهم لما تنجحوا اخر السنه هنتفسح ونروح مارينا شهر هههههههه , ويعيشوا الولاد فى حلم جميل رسمتيه انتى بنفسكههههههههههههههه, وتمر الايام والليالى وتنجح الولاد وينتظروا الوفاء بالوعد وبعد كده يفاجئوا انك كدبتى عليهم واخرك تتفسحى على سطوح بيتكم ههههههههههههه , يمكن انتى شايفه انها كدبه بيضه وعادى جدا .. لكن صدقنى انتى قدام ولادك ماعندكيش وعد وكدابهطيب ياست الكل لما تقولى لولادك ماتلعبش مع فلان عشان انا مش بحب مامته ..فمش بعد كده تيجى تقولى لولادك حبواالناس وعاملوهم معامله طيبه , ياست الكل لما جارتك تجيلك بيتك وانتى تقولى لابنك او لبنتك روح قولها ماما نايمه , وتقولىقدام ولادك بلا قرف هو انا ناقصه قرف هتوجعلى دماغى بكلامها وشكواها , فمش بعد كده تيجى تقولى لولادك رحبوابضيفكم وقابلوه احسن مقابله واوعوا تكدبوا ياولاد الكدب حرام .. هل انتى شايفه بعد كده ان ولادك هيقتنعوا بكلامك؟وهيعملوا بيه وهيمشوا بيه فى حياتهم؟؟.. صدقنى كلامك هيكون بالنسبه لهم مجرد تحصيل حاصل مش اكتر
الشيخ الطرابيشى ههههه
***************
احنا كل حياتنا كلها مش بتمشى غير بالشيخ فلان الفلانى هههههه حتى قبل مانطلع من البيت لازم نكلمه نقولهادعيلنا ياشيخ طرابيشى , حتى قبل ماندخل التواليت لازم نتصل بالشيخ الطرابيشى نساله ندخل التواليت برجلينااليمين ولا الشمال؟ ههههههههه حياتنا غريبه اوى اوى وعجيبه ... ولما تسال اى حد تقوله مين قدوتك الحسنهيقولك الشيخ الطرابيشى .. طيب ياشيخ ياطرابيشى شيلااااااااااه ياسيدنا .. لما نفتح التليفزيون نلائى الشيخ قاعديفتى فيها ويتكلم ولو الشيخ فلان رفض الفتوى بتاعته يقوله انت كافر عليك اللعنه هههههه انت فى جهنم وبئس المصير انا ماقولش كلام غلط او قابل للنقاش خالص , وسيدنا ممكن لسانه يفلت ويسب اما مباشرتا اما من تحت لتحتوبعد اسبوع على مرور خناقه الشيخ الطرابيشى مع الشيخ فلان يقولك اياكم والسب اياكم والتعصب والتشدد الفكرىلازم يكون عندكم مرونه وتاخدوا براى الطرف الاخر هههههههه , طيب بزمتك يامولانا انت كده مش اكبر بوء ولا انت شايف ايه؟ من اسبوع واحد بس كنت بتسب وكفرت الشيخ فلان وماحبتش تاخد برائيه ههههههههههههبعد كده عاوزنى اصدقك واخدك قدوه حسنه ليا لاء يامولانا انا اروح اشوفلى قدوه حسنه تانيه خالص ههههههههه
ختام
***
واكيد انتم تعرفوا قدوات فالسو كتير ومزيفه كتير , مااكتر الامثال ومااحلى النفاق فى المجتمع اللى عايشين فيه دهانا هسيب لكم حريه الرد والكلام بصدق وبكل حريه... والسلام ختام
بصراحة كلماتك صحيحة وواقعية ومع الاسف انه اغلب الاباء بيكذبو امام ابنائهم ومحتاجين منهم الصدق يعني الطفل من صغره يعودوه على الكذب ويعاقبوه لما بيكزب """ الاب كلما اتاه صاحب او رجل وهو ما بده يقابله بيقول لابنه قول له بابا طالع ومش موجود """
ردحذف*******************************************
الام مثلا بتكون طالعة مع بناتها على السوق ولما يرجع زوجها من شغله وما يلاقيها لما تيجي يسالها وين كنتي تقول له كنت عند امي او اختي """
**********************************************
كيف يعني بدهم اولادهم وبناتهم يكونو صادقين وهم اصلا ما بيصدقو الا بما يرضيهم وعلى مزاجهم وبرغبتهم
*********************************************
"" دكتور يحمل سيجارة ويقول لمريضه اترك الزفت الدخان انا كم مرة منعتك من الدخان وقلتلك انه مضر بالصحة """"
**********************************************
وبالنسبة لطرفة المشايخ هاي احنا بزمن الي بيعجبني اقول عنه صح والي ما بيتمشى مع مصلحتي فهو حرام للاسف يعني ما عاد خوف من الله بالفتاوي وانما اما لمصلحة صاحب الفتوى او لمصلحة الحاكم
**********************************************
"" في غزة حلل بعض مشايخنا الكرام الذين ينتمون لفئة معينة حللو اباحة دماء الفئة الاخرى واعتبرو قتلهم تقرب الى الله !!!!!!!!!!!!!! """
*********************************************
"" الدخان كان محرم شرعا حسب فتواهم ولما صار عليهم دخل من الدخان والمتاجرة فيه صار مكروه والي بده يدخن عادي ما عاد محرم
انا لله وانا اليه راجعون وحسبنا اله ونعم الوكيل على هيك مفتين حسب الرغبات والمصالح
==============================================
لا ننكر ان بعض الاباء والامهات قدوة حسنة بمعنى الكلمة يعني لو ابنائهم اقتدو بهم لكانو افضل الناس
تقبلو تحياتي
اكيد منا بقولك القدوه الفلسو .. وللاسف احنا فاقدين اشياء كتير وبنعطيها وده شىء مش كويس ومش صح , لكن فى اباء وامهات قدوه لكن الموضوع ده قليل اوى
ردحذف