عرسان الآنسه مروه.. الجزء الثالث" أ/ ياسر "

عرسان الآنسه مروه
**************
عريس 3 : الاستاذ / ياسر
***************
شخصيات الجزء الثالث:
____________
مروة : بطله القصه تعمل مدرسه تربيه موسيقيه , متمرده ولا تقبل بالزواج من أى شخص.
عبد اللطيف : والد مروه .. على المعاش.
إحسان : والدت مروة .. وربه منزل.
ناديه : صديقه مروه فى العمل , مطلقه.
ياسر : واحد عبيط من العبط اللى بيسافر خارج بلده عشان يشتغل وبيتجوزهناك عشان يستغل الظروف.
خالت مروة: جايبه عريس على ا لمقاس ههههههههه
----------------------------------
المنظر /صباحاً فى منزل عائله مروة..
ناديه بتزور مروه
----------------------------------
ناديه: ايه يابنتى مختفيه فين بعد نهايه الدراسه هو موضوع "أ/حسن" لسه مأثر فيكى؟ .

مروة: وهيأثر فيا ليه ؟! اهو موضوع ذى اى موضوع وخلاص , بس كل الحكايه انى قعدت شويه اكتب
قصتى مع "استا ذ حسن " بتاعك ده عشان ابعتها لمجله "حوا" عشان اشوف راى القراء ايه؟ كالعاده يعنى.

ناديه: هو انتى لسه بتراسلى المجله دى بقصصك مع العرسان ههههههه مجنونه والله مش هتعقلى .

مروة: والله ماحد مجنون غيرك , انتى اتجوزتى فى شهر واطلقتى فى اسبوع واتجوزتى تانى واطلقتى
بعد 4 شهور .

ناديه:ياستى ادينى أخدت لقب "مطلقه" احسن من لقب "عانس" , يمكن تكونى صح يا"مروة" بس
الناس هيشفوكى متمرده ومجنونه وفيكى حاجه غلط او مش طبيعيه .

مروة: انا مايهمنيش راى حد منتى عرفانى .

ناديه: عرفاكى ياختى .. خلينا وراكى لما نشوف اخرتها ايه معاكى يامجنونه.
-------------------------------------
دخلت عليهم "إحسان" فجئه , ودخلت فى الحوار
--------------------------------------
احسان: ايون والنبى قوليلها يابنتى اصلها بتزعل منى لما اقولها يامجنونه مش مصدقانى , ده
خالتها جايبلها "عريس" مايترفضش بس إيه قيمه وسيما ومال وجاى من أمريكا .

ناديه: طيب ماتجربى يا"مروة" ولو مانفعشى اعتبريها ذى كل مره .

احسان: الله ينور عليكى يا"ناديه".

مروة: هريحك ياماما مع انى عارفه انها ذى كل مره اووووف.

احسان: ربنا يهديكى يابنتى المرادى .
-------------------------------------
المنظر/غرفه استقبال الضيوف "الصالون"
احتفالاً بالعريس
-------------------------------------
مروة: وانت يااستاذ "ياسر" ماتجوزتش من امريكا ليه ؟ برغم ان المراه هنا اكتر تحرر وانفتاح.

ياسر: هههههههه , انا فعلا اتجوزت عشان اخد الجنسيه واعرف اشوف شغل واستغل كل فرصه هتتوفر
ليا فى الجواز من امريكيه.

مروة: آه. وجيبت بئى منها عيال؟

ياسر: لاء طبعا . دى لاشكلنا ولا عاداتنا ولا نفس دينا ,بقولك اتجوزتها عشان استغل الظروف بس.

مروة: وطبعا بعد ماشوفت نفسك فى امريكا .. جاى مصر عشان تتجوز واحده تمثلك دور " الست امينه"
صح؟ ولا انا غلطانه؟

ياسر: تقصدى ايه؟

مروة: اقصد واحده تثق فيها وتجيبلك عيال , وطبعا قالولك عنى انى مش بتاعت دلع ولا فسح , ومن البيت
للشغل والعكس صحيح , فبرضو استغليت الفرصه صح؟

ياسر: ايه ده ؟

مروة: اجيبهالك من الاخر ؟ انا مش موافقه بعد اذنكم .

احسان: "مروة" عيب كده تعالى .

عبد اللطيف: عن اذنكم ياجماعه .

خالت ليلى: انا اسفه يااستاذ"ياسر" .

ياسر: انا اللى غلطان انى دخلت بيوت ناس ذى دول .
------------------------------------
المنظر / فى غرفه الطعام."احسان, عبد اللطيف"
-------------------------------------
احسان : عجبك عمايل بنتك دى ؟

عبد اللطيف : بصراحه عندها حق , وبعدين هى حره ياستى.

احسان: ايوة ياخويا خليك كده معاها وخليها تعند اكتر.

عبد اللطيف : تصبحى على خير انا داخل انام .

احسان: ده اللى فالح فيه , ربنا يهديكى يابنتى يارب

عرسان الآنسه مروه.. الجزء الثانى" أ/ حســن "

عرسان الآنسه مروه
**************
عريس 2 : الاستاذ / حسن
***************
شخصيات الجزء الثانى:
___________
مروة : بطله القصه تعمل مدرسه تربيه موسيقيه , متمرده ولا تقبل بالزواج من أى شخص
عبد اللطيف : والد مروه .. على المعاش
إحسان : والدت مروة .. وربه منزل
ناديه : صديقه مروه فى العمل , مطلقه
حسن : مدرس لغه عربيه فى المدرسه التى تعمل بها مروه



----------------------------------
المنظر صباحاً فى المدرسه التى تعمل بها مروه
---------------------------------
ناديه : مالك يامروه فى ايه؟
مروه : ابداً ذى مشكله كل يوم , مانتى عارفه ماما ومشاكلى معاها
ناديه : آآآآآآه ... اكيد عريس , وطبعا رفضتى ذى برضه كل مره
مروه : طبعاً ماقولكيش , لما رفضته ماما عملت إيه؟ خناق فى البيت مع بابا لانه رائيه من رائى
ناديه : والله عندها حق وماتزعليش منى .. اصلك غريبه من ايام الكليه وانتى غير البنات صحابنا
مروه : هههههه يعنى اتجوز واحد بياخد اوامر من مامته .. ياسلام اقوله ناكل ايه انهارده يقولى اسالى ماما حبيبتى ؟ هههههه
ناديه : طيب يامروه , ماتشوفى الاستاذ حسن .. ده هيموت عليكى , وأظن انك تعرفيه وممكن تتكلمى معاه بعيد عن جو البيت والعيله
مروه :يعنى هروح اقوله تعالى لما اجوزك ههههههه او عشان ارضى ماما بجوازه والسلام؟
ناديه : لاء طبعاً ماقولناش كده بس هو قبل كده كلمنى عليكى وانا قولتله هى بتفكر , انا ممكن افتحله الموضوع بشكل دبلوماسى وربنا يسهل
مروه : طيب هفكر فى الموضوع ده
ناديه : تفكير ايه بس ؟ بقولك هيموت عليكى



----------------------
المنظر فى حديقه المدرسه
---------------------
ناديه : استاذ حسن
حسن : ايوه ياابله ناديه
ناديه : عامل ايه .. واخبارك ايه؟
حسن : تمام الحمد لله , انتى عامله ايه؟
ناديه : تمام , خلاص ياعم خلصتلك الموضوع بتاع مروه اللى كلمتنى فيه من شهرين
حسن : بجد !! ياااااااااااااااه اخيراً انا مش مصدق .. طيب اقدر اكلمها ؟
ناديه : طبعا .. هى فى مكتبها فوق اطلعلها .. سلام



-----------------
المنظر فى مكتب مروه
-----------------
حسن : ممكن ادخل ؟
مروه : اتفضل استاذ حسن
حسن : احم احم .. استاذه ناديه بلغتنى انك وافقتى بعرضى لكى بخصوص موضوع الجواز ؟
مروه : والله انا قولتلها افكر
حسن : مش مهم .. خدى راحتك وفكرى بس المهم انك اقتنعتى بعرضى عليكى .. بس إمتى هاخد منك الرد القاطع؟
مروه : ان شاء الله لبعد امتحان اخر السنه , وفى حفله انتهاء العام الدراسى
حسن : جميل .. انا منتظر ردك عليا



-----------------------
المنظر فى منزل عائله مروه
----------------------
إحسان : والله يابنتى كويس اهو منها زميلك فى الشغل واهو انتم تعرفوا بعض وربنا يسهل
مروه : وايه راى حضرتك يابابا ؟
عبد اللطيف : الراى رائيك يابنتى .. اكيد انت ادرى منى باخلاقه وتصرفاته
مروه : ربنا يسهل انا هدخل انام عشان الوقت اتاخر ولازم احضر الطابور الصبح بدرى .. تصبحوا على خير
إحسان : ربنا يهديكى للاخر يابنتى .. عشان ارتاح واطمن عليكى



---------------------
المنظر فى طابور المدرسه
--------------------
مروه : صباح الخير استاذ حسن
حسن : صباح النور .. والله ياابله مروه انا بظبط ساعتى على ميعادك .. انتى دقيقه فى مواعيد العمل جدا
مروه : الحمد لله الانسان بيعامل ربنا وضميره فى عمله
ناديه : صباح الخير ياجماعه
مروه : صباح النور ياناديه .. عامله ايه انهارده
حسن : صباح النور ايه الشياكه دى ياابله ناديه؟
ناديه : انا تمام الحمد لله انتم اخباركم ايه .. وميرسيه اوى يااستاذ حسن من ذوئك والله
مروه : طيب انا هروح اشوف الولاد عشان نشغل الطابور



----------------------------------------------------
وبعد مرور 3 شهور ... المنظر فى المدرسه فى حفله إنتهاء العام الدراسى
----------------------------------------------------
ناديه : ها هتقولى ايه لحسن ؟ انهارده الموعد المنتظر ههههههه
مروه : استنى بس ياناديه اخلص اللى فى ايدى
ناديه : انتى بتعملى ايه بس ؟
مروه : بكتب اخر قصه ليا عشان ابعتها لقراء مجله مشاكل حواء
ناديه : ههههههههههههههه وياترى عرفتى نهايتها ؟
مروه : للاسف لاء ... ومش عارفه اعمل ايه؟
ناديه : ربنا يستر وانهى القصه بئى بانك توافقى باستاذ حسن عشان تريحينا كلنا ونخلص
مروه : ان شاء الله
ناديه : مروه استاذ حسن جاى ناحيتنا انا همشى واسيبك معاه بس اهدى واكلمى بعقل بلاش فلسفه الله يخليكى سلام
حسن : سلام عليكم ابله مروه
مروه : وعليكم السلام اهلا استاذ حسن اتفضل
حسن : تمام .. بس انا ملاحظ حاجه غريبه ؟
مروه : ايه اللى ملاحظه؟
حسن : قاعده تكتبى والناس وانتى سرحانه وهيمانه والناس مفكره انه جواب غرامى ,ومن شويه رايحه جايه وسط الناس وبعدين لبسك ايه ده؟
مروه : نعم؟ ناس مين ورايحه جايه ايه ؟ ولبس ايه تقصد ايه بالكلام ده حضرتك؟
حسن :انا ماحبش انك تستعرضى قدام الناس ولا تلبسى كده , وبعدين ماتكتبيبش وانتى سرحانه كده المنظر مش حلو
مروه : انا لبسى محترم وانت مش هتعلمنى اعمل ايه , ثانيا انا مدرسه وست عامله والحركه عندى فى عملى وفى نطاق شغلى,واهم شىء انا بكتب لانى براسل كتاباتى لمجله, وانا مش اسمحلك اكتر من كده
حسن: بس انا ماحبش كده قولتلك
مروه : مايهمنيش انا عارفه انا بعمل ايه .. وانت ايه عشان تدخل فى حياتى بالشكل ده؟ وبعدين كل المدرسات بيتحركوا ذيى فى الحفله , وحتى ناديه لابسه شبيه للبس بتاعى
حسن : ماليش دعوه بالناس ولا بناديه دول عاملين عرض عشان الناس تتفرج , وناديه دى مطلقه لازم تلبس وتعمل كده عشان تشوفلها عريس , ودول نعاكس فيهم مش نرتبط بيهم
مروه : نعم . انا مش اسمحلك تسب فى زميلاتى بالشكل ده , انا مش شايفه ان فى شىء خارج , وبعدين اما انت متحفظ كده روح اجوز واحده من الريف , ليه بتتجوز من المدينه؟
حسن : انتى شايفه كده ؟
مروه : اكيد واظن انى صح .. وطلبك مرفوض انا ماتجوزش انسان ذيك ,عن إذنك انتهى الكلام .. سلام



----------------------
المنظر فى منزل عائله مروه
---------------------
إحسان :مالك يامروه ساكته من اول ماجيتى من الحفله؟
مروه: ابداً ياماما سلامتك مافيش حاجه
إحسان : طيب عملتى ايه مع استاذ حسن ؟
مروه : ولا حاجه ماينفعنيش
إحسان : بتقولى ايه؟ انتى هتجنينى معاكى والله ..ربنا يهديكى
مروه : هجنينك ليه ؟ عاوزانى اجوز وخلاص عشان قرايبك مايقولوش انى ماتجوزتش لحد دلوئت وشكلك قدامهم بس؟ ده كل اللى يهمك ياماما
عبد اللطيف : مالكم فى ايه صوتكم جايب للشارع؟
إحسان : شوف بنتك بتعلى صوتها عليا , وكمان رفضت استاذ حسن
عبد اللطيف : هى حره ياستى هى اللى هتتجوز وهى ادرى بيه مننا , وكل شىء قسمه ونصيب
إحسان : والله هتجنينونى
مروه : انا داخله انام يابابا تصبح على خير
إحسان : ماشى يامروه خليكى كده على طول , منا يهمنى شكلى قدام قرايبى بس اصلك مش بنتى بنت قريبتى
عبد اللطيف : وانتى من اهله يابنتى , اهدى بئى ياإحسان قدر الله ماشاء فعل .. اهدى
إحسان : ربى لااسالك رد القضاء ولكنى اسالك اللطف فيه

عرسان الآنسه مروه ... الجزء الاول

سلام عليكم ........ قصه من تأليفى ..... على أجزاء ..... الجزء الآول

---------------------------------------------------------------------------



عريس (1) أعمرو

************
شخصيات الجزء الاول:

___________
مروة : بطله القصه تعمل مدرسه تربيه موسيقيه , متمرده ولا تقبل بالزواج من أى شخص
عبد اللطيف : والد مروه .. على المعاش
إحسان : والدت مروة .. وربه منزل
عمرو : عريس متقدم لخطبه مروة
والدت عمرو : مسيطره على حياه عمرو
----------------------------------------------------------

المنظر : صباحاُ فى غرفه نوم .. مروة

*******************

إحسان : إ صحى يامروة يابنتى بئينا الظهر
مروة : خير ياماما انهارده اجازتى سيبينى انام بئى
إحسان : يابنتى قومى هقولك حاجه
مروة : حاجه ايه بس عاوزة انام ؟
إحسان :اصل عندنا انهارده ضيوف وانتى عارفه بعد الظهر الوقت بيفوت هوا
مروة : طيب وانا مالى بضيوفك دول؟
إحسان : اصلك مش واخده بالك اصلهم جايين عشانك
مروة : يارب ارحمنى بئى .. لو عريس قولتلك 100 ألف مره مش هتجوز بالشكل ده أبدا أبدا
إحسان : ليه بس مش يمكن يطلع كويس ؟
مروة : كل مره تقولى نفس الكلام ده وبعدين اجرب ايه ؟!هى ساعه هلبسها شويه وبعدين اشترى غيرها؟
إحسان : لااااااااااا .. بجد انا تعبت معاكى لما اروح لابوكى يجى يشوفله حل معاكى
------------------------------------------------------------
المنظر فى غرفه مكتب أ\عبد اللطيف

________________

إحسان : بص بئى شوفلك حل مع بنتك دى ال ايه مش عايزه تشوف العريس بتاع انهارده وانا خلاص اتفقت مع الناس وحضرت كل حاجه
عبد اللطيف : ياستى انتى مس تعجله عليها ليه ؟ ليلى مش صغيره وعارفه هى بتعمل ايه . هو احنا هنغصبها على الجواز ولا ايه؟
إحسان : ياعبد اللطيف انا خايفه عليها اوى البنات اللى فى سنها واصغر منها اتجوزوا وعندهم عيال كمان , واحنا مش هنعيشلها
عبد اللطيف : ياإحسان ده جواز مش اكل هتاكله غصب عنها يوم وبكره هتاكل غيره لازم تكون مقتنعه
إحسان : مقتنعه!! والله بنتك دى هتنقطنى بدرى والله وانت مطاوعها
عبد اللطيف : اهدى بس اهدى
إحسان : مش ههدى ولا هرتاح غير لما تروح تكلمها هى بتسمع كلامك وخليها تريحنى وتشوفه وهى حره بس عشان خاطرى
عبد اللطيف : حاضر ياستى هقوم اكلمها .. وأمرى لله
------------------------------------------------------------

المنظر فى غرفه نوم مروة

____________
عبد اللطيف: ممكن ادخل ياحبيبتى
مروه :طبعا اتفضل يابابا
عبد اللطيف : ماما زعلانه منك , وانتى عارفه ليه
مروه: انا مش عارفه ماما ليه مصممه انى اتجوز انا مش عاوزة , ولو فكرت مش هتجوز بالشكل ده ولا الاسلوب ده ومش أى حد كمان
عبد اللطيف: عندك حق يابنتى , بس ارضيها ساعه معلش تعالى على نفسك عشان خاطر ماما , والراى فى الاول والاخر رائيك , انا عارفان دى مش طريقه للجواز تعجبك ولا شكل كويس بس عشان ماما نريحها , وبعدين نعمل اللى عاوزينه
مروه : حاضر يابا , مع انى مش مرتاحه بس عشان خاطر وخاطر ماما
عبد اللطيف :ربنا يريح قلبك يابنتى .. يلا ياحبيبتى قومى عشان تفطرى وتحضرى مع ماما الصالون عشان الضيوف
---------------------------------------------------------------

المنظر فى غرفه استقبال الضيوف ...الساعه تدق الرابعه عصرا .. ومروه والعائله فى انتظار العريس

____________________________________________

مروه : ايه التاخير ده مش المفروض كل انسان يلتزم بمواعيده ولا ايه ؟
إحسان : معلش يابنتى الغايب حجته معاه
عبد اللطيف : والله يابنتى معاكى حق , بس نقول ايه .. هه يلا
إحسان : ايوة خليك كده مع بنتك واوعى تنصفنى أبدا
----------------------------------------------------------------

يدق جرس الباب ويدخل العريس ومعه أمه

__________________

إحسان : اهلا اتفضلوا اتفضلوا .. احنا زارنا النبى انهارده
والدت العريس : الله يخليكى ياست ام مروة .. اهلا اهلا بعروستنا تعالى ياعمرو سلم على عروستك ..
عمرو : حاضر ياماما .. بس قولتيلى اسمها ايه ياماما ؟
مروه : ههههه اسمى مروة يااستاذ عمرو جاى تخطب ومش عارف اسم اللى هتخطبها ايه ؟
والدت العريس : معلش يابنتى اصله مش فاضى مشاغل بئى , وهو نوبنى عنه فى موضوع الجواز ده بالذات , قوليلى بئى يامروة بتعرفى تطبخى ؟
إحسان : طبعا مروة شاطره اوى
مروه : لأ ياطنط ماما بتبالغ اوى , انا ماليش فى المطبخ كتير لأنى بشتغل
والدت عمرو : بتشتغلى !! لكن عمرو مش عايز يتجوز واحده بتشتغل , ليه الشغل طلاما فيه فلوس وبعدين الست لبيتها وجوزها
مروه : والله ياطنط الموضوع مش فلوس خالص لكن عمل المراه سلاح وبعدين انا مش هسيب شغلى مهما كان
عمرو : ببس انا شايف ان كلام ماما صح ياانسه مروه
عبد اللطيف : بس يابنى الست لما بتشتغل بيكون عقلها ناضج وتربى ولادك بشكل احسن , وطلاما انها مش مقصره فى بيتها قليه تسيب شغلها؟
والدت عمرو : بس يابنتى احنا مانحبوش الست اللى تشتغل ولا ايه ياعمرو ؟
عمرو : اللى تشوفيه ياماما كله صح
مروه : أهههههههه اللى تشوفيه ياماما انت منهم ؟ طيب انا مضطره اقوم أقوم لانى مرتبطه بميعاد عن اذنكم
عمرو : طيب وايه رائيك فى الكلام ياانسه مروه؟
مروه : اسال ماما وهى تقولك رائيها الاول مش يمكن ماعجبهاش منتا مالكش راى فى وجود ماما هههههه
والدت عمرو : ايه ده ياست إحسان؟ شايفه بنتك بتمسخرنا ولا ايه؟
إحسان : معلش سامحينى ياست ام عمرو هى عصبيه بس قلبها ابيض
والدت عمرو : ابيض ايه واخضر ايه ؟ لاء ياحبيبتى ماتلزمناش .. يلا بينا يابنى البنات كتير يلا قوم نمشى من هنا
إحسان : عاجبك عمايل بنتك كسفتنا مع الناس , ماشى يامروه ماشى
----------------------------------------------------------------

المنظر فى غرفه تناول الطعام .. ليلا على العشاء

______________________
مروه : بصى ياماما لو سمحتى كفايه كده بئى بلاش كلام فى الموضوع ده ..عاوزانى اتجوز انسان ماشى براى أمه , وكمان اسيب شغلى ها؟
إحسان : عجبك الكلام ده ياعبد اللطيف ؟
عبد اللطيف : بصراحه عندها حق والمنظر ماكنش حلو دى جايبه اسبنها وجايه تتشرط
إحسان : خليك كده معاها والله ماهى نافعه
مروه : انا مش هاكل انا هقوم انام لانى تعبت.. تصبحوا على خير
عبد اللطيف : خدينى معاكى يابنتى انا كمان هقوم انام احسن
إحسان : بئى كده ياعبد اللطيف والنبى ماحد مبوظ البت دى غيرك انت .. يلا ربى لا أسالك رد القضاء .. ولكنى أسالك اللطف فيه

أقــَدار فِى الحــٌب .. مــن تأليفى " ورسوماتى ع الفوتوشوب"

قصتى اليوم أمل بعد معناه ,صمود بعد انكسار

اتمنى اكون انى عبرت عن موضوع القصه بكل صدق

وجديه ويكون اقرب الى الواقع واتمنى انى اوصل لكم مقصدى الحقيقى

اقدار فى الحــب :

***********
ايقظنى صوت عصفورى فى الصباح ,فنظرت الى اشعه الشمس المنبثقه من فروغات النافذه , ونهضت من فراشى متجهه نحو المرآه , ونظرت الى وجهى وتأملت عينى
فوجدت بريق يشع منها , فتأملت بهما اكثر واخذنى الخيال الى من أعشقه بصمت , أعشقه ولا يدرى بعشقى , ولا انا ادرى من ذا الذى يعشقه فؤادى , ويسلب منى جوارحى
وتطوق روحى له , فرتديت ملابسى بهدوء وأ نا افكر بلقائى له اليوم , وارتديت حذائى وخرجت من منزلى متجهه نحو كافيه بجوار عملى لكى اتناول الفطور وأرى تلك الغريب الحبيب
لفؤادى وروحى , وجلست بجانب الطاوله التى يجلس بها حتى اكون بجواره فربما يشعر بعشقى له , وبعد مرور نصف ساعه كان أمامى يجلس على طاولته يتناول كوب القهوه
وانا انظر له وهو لا يرآنى كانه يفكر بشىء يشغله او هناك فى الامر من سر , فنظرت له بشده وهامت روحى به عشقا وتخيلت جنة فؤادى بقربه , وايقنت حينها انه مجرد حلم
يقظه فهو لا يشعر بتواجدى , وقبل ان تنهال دموع العين نهضت مسرعه نحو المدخل حتى لا يرآنى أحد , وفى نفس الوقت نهض هو ايضا مسرعا نحو المدخل ربما كان مشغولا
بموعد عمل او ماشابهه ذلك , فارتطم كتفى بكتفه وألتوى ساقى وكدت أن أقع ولكن بيده تمد لى بطوق النجاه , فنظرت الى عيناه متأمله بهما , وقولت فى نفسى
بالله عليك من أنــت ؟ ولماذا أنــت؟ , ونظر الى نظره خجوله وكأنه يعتذر لى عن ماحدث , وحدثنى واعتذر بلسانه بعد ان افصح باعتذاره بعيناه , فابتسمت له ورحل عنى بعيدا الى حيث آتى
وذهبت فى حاله ذهول حتى ان الامطار قد بللت ملابسى وانا لا اشعر بها وكدت ان ارقص فرحا وطربا بعشقى فقد نظر لى من قرب ونظرت له فوالله مااجمل بلقاء الاحبـه
وجلست تحت المطر ساعات وساعات حتى تزحزحت سحابه المطر واشرقت الشمس من فوقى فشعرت بالدفء ونسيت عملى , وعودت الى منزلى اتشوق للقاء غدا مع مالك فؤادى
وغادرت الشمس يومى , وبات القمر فى ليلتى الحالمه سعيد مبتسم لابتسامتى
وأشرقت الشمس على أيام عديده وأنا أذداد عشقا وحبا وله , فقد تبادلنا النظرات كل يوم , وهو ينظر الى متعجبا مبتسما ابتسامه خجوله
وفى ليله قد اشتقت ان اذهب للكافيه وأجلس على طاولته , فقد غلبنى الشوق لمكان كان به , وذهبت الى الكافيه وجلست على طاولته وأخذت افكر به
وطال فكرى به طويلا , والتفت فوجدته يجلس على الطاوله التى أمامى ومعه امرأه يبتسما لبعضها وينظرا لبعضهما بنظرات عاشق لعاشقه , فبرقت عينى
بريق اللؤلؤ , وذهلت حينما أتى الجرسون بحلوى عيد زواجهما الثانى , وانهالت دموعى بغزاره ونهضت مسرعه نحو المدخل وأنا أبكى وأصواتهما تملىء المكان كله
وجلست بقرب نهر بجوار منزلى والهواء يداعب خصلات شعرى وقطرات الندى تلامس عنقى , حينها حدثنى فؤادى برفق وقال لى : لا تبكى فان الحب باق وان رحل الحبيب
فما بالك بان الحبيب ينعم بحب ودفء بجوار من اختارها قلبه , فالحب تضحيه ووفاء وابتسامه مشرقه وسعاده الحبيب من سعاده من يحب , فلا تندمين ,على حب قد غير مسار قلبك
وجعلك تبادلين السعاده بينكى وبين الحياه , فربما تجمعكى الآقدار بحــب آخــر يملىء حياتك بالهناء فلا تكرهى الحب وابتسمى للحياه واجعلى لحياتك أمل فمن يدرى بما سيحدث فى القريب العاجل
فان القدر يتغير بين يوم وليله

إرتباط الإنتر نت .. وماأدرآك بعالم النــت

إرتباط الإنتر نت .. وماأدرآك بعالم النــت

****************************
كتير مننا بيسمع عن الارتباط على النت , وناس مؤيده وناس رافضه , واللى رافض معاه حجج قويه وعن تجارب شخصيه
واللى مؤيد معاه حجج قويه وتجارب شخضيه , واللى يقولك ده ارتباط النت ذى الصالونات والاتنين وجهان لعمله واحده
وتعدد الاقاويل والقيل والقال , والله اعلم اى فيهم هو الصح واى فيهم الغلط؟










هو الانسان اللى بيحرك فكره ولا الطريقه اللى بتحركه؟

*****************************************

طريقه الارتباط على النت ممكن تكون جميله اوى لو كانت فيها مجال من الصدق والصراحه , ومراعاه الضمير بين الطرفين
لكن اللى بيحصل الاغلبيه العظمى على النت بيحبوا يعيشوا ويتقمصوا شخصيات غيرهم تمام ,سواء كانوا شباب او بنات
ويبتدى الغش والخداع والكذب , طيب هل ده ياترى من الطريقه نفسها ولا من الناس نفسهم؟؟
مهو الناس اللى بتتعامل بالشكل ده على النت اكيد عايشه حياتها بالشكل ده , مهو المبدأ مش بيتغير ولا بينقسـم
بس انا عايزه اسال هما ليه بيعملوا كده ؟ وهيستفادوا ايه؟
انت ممكن تخدع بنت فعلا كويسه , وانتى ممكن تخدعى شاب فعلا كويس " بأى منطق بأى عقل بأى ضمير .. يسمح لنا اننا نرتكب
الجرايم البشعه دى فى نفسنـــا " ولو قولتولى ايه المبرر انكم تعملوا كده انا يمكن ارتاح بنسبه 25% ويمكن اقول عندهم سبب لده









نظريه الافتراض وحل وسطى

********************

دلوئتى بنات كتير وشباب كتير مش مختلطين بالعالم الخارجى كفايه , ونظرا للبطاله بيكون مافيش اختلاط بين الجنسين فى العمل
وممكن البنت تقولك دى طريقه كويسه للتعرف على الاقل قاعده فى بيتى واهو احسن من جوازا لصالونات على ا لاقل اسمى اتكلمت
مع الشخص ده وعلى ا لاقل فهمته وعرفته بنسبه معينه , والشاب كمان ممكن يقول نفس الشىء , وممكن فعلا يحصل بينهم انجذاب فكرى
وروحى وبيحصل , وممكن لاء وبيحصل برضه فمن رائى انه لازم الانسان اللى دخل تجربه ذى دى يحط فى اعتباره انها تجربه تحت الافتراض
يعنى ممكن اة وممكن لاء عشان لو حصل فى الامور امور مش ننجرح , ونقول انها تجربه ومرت ونقدر نستفاد منها بعد كده فى حياتنا
وده ممكن نسميه حل وسطــى







فين الاهل من كل ده؟! " للبنات " ودعوه للشباب ايضا

*************************************

ليه البنت مش تصارح على الاقل مامتها ؟ او اختها الكبيره؟ او حد من قرايبها بتثق فيه , عشان يكون معاها خطوه خطوه ويرشدها ويوجهها
صح وينصحها , لان مهما احنا عرفنا فلان ده فمش عرفناه برضه , واحنا اظن فى زمن غريب وصعب وماحدش فيه ممكن يدى ثقته فى اى
شخص بسهوله من كتر البلاوى اللى بنسمعها , فلازم لازم لازم حد من اهلك يعرف واظن انه مش عيب وده الصح , فلازم تدرسى التجربه
انتى والشخص اللى يعرف علاقتك دى ويكون من اهلك , وتحطيه تحت الاختبار من كل النواحى وتسمعى كلام الاكبر منك وتبصى بمنطق عقلانى
اكتر من العاطفى , وياريت هو كمان لو كان قايل لحد من اهله والاهل يتكلموا مع بعض هيكون اجمل ده لو سمح الامر لذلك
ولو حصل توافق وعرفتوا انكم اختارتوا بعض صح كان بها , واقدر اقولكم الف مبروك , وممكن يحصل بس قليل اوى وبرضه
العيب فينا احنا مش فى الشىء


يااااااااااه انا حبيت حد ماكنش كويس خساره الحب ده كله

*******************************************
بنسمع الكلمه دى كتير من بنات وشباب , وللاسف بيعيشوا فى حزن لمده طويله اوى وبيفقدوا الثقه فى كل اللى حواليهم
او ممكن عشان ينسوا حب يدخلوا فى حب جديد , وده غلط المفروض الانسان ياخد كل تجربه وموقف مر عليه بشجاعه وذى ماقولنا
دى هتكون تجربه افتراضيه الى ان يتاكد كل من الطرفين مشاعر الاخر , فبلاش نعيش الحزن ونضيع اجمل ايام ا لعمر على من لا يستحقون

القــدوه الفالســو

القدوه الفالسو

----------------

كلنا عارفين ان معنى القدوه معنى كبير اوى ولازم يكون لنا قدوه حسنه نمشى على نهجها ولا ايه؟ولكن ! اغلبيتنا بيكونوا "قدوه فالسو" قدام الناس وقدام ولادهم , احنا كده احلى ناس تتكلم وبساجمل ناس تفتى وتتكلم احنا شعوب بوء ماتاخدوش منا غير اجمل الكلمات والغريبه تلائى كلامنا غير افعالناانا بشوف ناس تكلمك وتحس انها ناس فاضل لهم جناحين ويبئوا ملايكه , لكن لما بشوف افعالهم بقول فىنفسى اسمع كلامك اصدقك ..اشوف امورك استعجب

اوعى تكون راجل بوء قدام ولادك؟

**********************

انا عاوزه بس افهم حاجه هوالاب لزمته ايه فى البيت اليومين دول ؟ هل لزمته يتخانق ويعلى صوته ويضربويهين زوجته واولاده طول الليل والنهار؟ لما الاب يفضل يشتم ويسب صحابه فى الشغل وجيرانه وقرايبه , عايز ابنك ولا بنتك يكونوا ايه لما يشوفوكبتشتم يعملوا ايه؟ ولو شتموا ذيك اما تضحك وتقولهم اشتموا كمان وتكون فرحان ان ابنك كبر وبئى بيشتم ههههههولما يكبر تعاقبه وتقوله عيب الشتيمه .. اما انت أب متناقض اوى تفرح وتشجع ابنك على الشتايم والسب وهوصغير ولما يكبر تقوله عيب ههههههه , مهو لو كنت عارف ان "من شب على شىء شاب عليه" ماتغيرشواقع مرير انت صنعته بايدك , وبعدين صدقنى كلامك مش هيقبله لانه وقتها هيقول عليك فى سره "فاقد الشىء لايعطيه" ولما ابنك يشوفك وانت ماسك سيجاره ولا حشيش ولا مدمن ولا مش بتصلى ياترى هيبئى لك عليه تاثيرانك تقوله صلى؟ او السجاير مضره بالصحه؟ ساعتها هيقول فى نفسه عليك .. بينصحى بحاجه هو بيعملها ولما ولادك يشوفواك بتتفرج على افلام خادشه للحياء وبتبص على الجيران .. هل بعد كده لما تقول لابنك حرام وعيب لما تبص على جارك وحرام لما تشوف افلام خادشه للحياء .. هل هيستجيب لك؟ ..وقتها هيقول عليك ماينصح نفسه .. وساعتها مش هيكونلك اى تاثير على ولادك لانك بكل صراحه "اب فالسو" مزيف , اللى زرعته فى ولادك فى يوم من الايام هتحصده وماتزعلش وماتقولش ولادى وحشين لان دى بذرتك اللى انت زرعتها بتربيتكواخلاقك انت


اوعى تكونى أم على لما تفرج؟

*******************

ياست الكل يامربيه يافاضله , انا عاوزة اسالك سؤال واحد بس واقولك انتى ليه بتعاقبى ولادك لو كدبوا ؟مانتىكمان كدابه ليل نهار , لما تقولى لولادك ذاكروا ياولاد ولما تخلصوا هنخرج نتفسح ههههه ولما يخلصوا مذاكره تقولى لهم لما تنجحوا اخر السنه هنتفسح ونروح مارينا شهر هههههههه , ويعيشوا الولاد فى حلم جميل رسمتيه انتى بنفسكههههههههههههههه, وتمر الايام والليالى وتنجح الولاد وينتظروا الوفاء بالوعد وبعد كده يفاجئوا انك كدبتى عليهم واخرك تتفسحى على سطوح بيتكم ههههههههههههه , يمكن انتى شايفه انها كدبه بيضه وعادى جدا .. لكن صدقنى انتى قدام ولادك ماعندكيش وعد وكدابهطيب ياست الكل لما تقولى لولادك ماتلعبش مع فلان عشان انا مش بحب مامته ..فمش بعد كده تيجى تقولى لولادك حبواالناس وعاملوهم معامله طيبه , ياست الكل لما جارتك تجيلك بيتك وانتى تقولى لابنك او لبنتك روح قولها ماما نايمه , وتقولىقدام ولادك بلا قرف هو انا ناقصه قرف هتوجعلى دماغى بكلامها وشكواها , فمش بعد كده تيجى تقولى لولادك رحبوابضيفكم وقابلوه احسن مقابله واوعوا تكدبوا ياولاد الكدب حرام .. هل انتى شايفه بعد كده ان ولادك هيقتنعوا بكلامك؟وهيعملوا بيه وهيمشوا بيه فى حياتهم؟؟.. صدقنى كلامك هيكون بالنسبه لهم مجرد تحصيل حاصل مش اكتر






الشيخ الطرابيشى ههههه

***************

احنا كل حياتنا كلها مش بتمشى غير بالشيخ فلان الفلانى هههههه حتى قبل مانطلع من البيت لازم نكلمه نقولهادعيلنا ياشيخ طرابيشى , حتى قبل ماندخل التواليت لازم نتصل بالشيخ الطرابيشى نساله ندخل التواليت برجلينااليمين ولا الشمال؟ ههههههههه حياتنا غريبه اوى اوى وعجيبه ... ولما تسال اى حد تقوله مين قدوتك الحسنهيقولك الشيخ الطرابيشى .. طيب ياشيخ ياطرابيشى شيلااااااااااه ياسيدنا .. لما نفتح التليفزيون نلائى الشيخ قاعديفتى فيها ويتكلم ولو الشيخ فلان رفض الفتوى بتاعته يقوله انت كافر عليك اللعنه هههههه انت فى جهنم وبئس المصير انا ماقولش كلام غلط او قابل للنقاش خالص , وسيدنا ممكن لسانه يفلت ويسب اما مباشرتا اما من تحت لتحتوبعد اسبوع على مرور خناقه الشيخ الطرابيشى مع الشيخ فلان يقولك اياكم والسب اياكم والتعصب والتشدد الفكرىلازم يكون عندكم مرونه وتاخدوا براى الطرف الاخر هههههههه , طيب بزمتك يامولانا انت كده مش اكبر بوء ولا انت شايف ايه؟ من اسبوع واحد بس كنت بتسب وكفرت الشيخ فلان وماحبتش تاخد برائيه ههههههههههههبعد كده عاوزنى اصدقك واخدك قدوه حسنه ليا لاء يامولانا انا اروح اشوفلى قدوه حسنه تانيه خالص ههههههههه









ختام

***

واكيد انتم تعرفوا قدوات فالسو كتير ومزيفه كتير , مااكتر الامثال ومااحلى النفاق فى المجتمع اللى عايشين فيه دهانا هسيب لكم حريه الرد والكلام بصدق وبكل حريه... والسلام ختام

ثقافه التجهيل والشك والتكفير!!

ثقافه التجهيل والشك والتكفير ... "الحب "مش حــرام ... ومش عيب
-------------------------------------------------------------------------
سبحان الله احنا فى زمن غريب اوى .. بئى كل الناس تحرم وتحلل فيه .. حتى المشايخ بئوا فى صراع ملحوظ كل واحد فيهم
بيقول كلام بحجج قويه وعن القرآن والسنه , وبنشوف انهم بيسبوا فى بعض بطريق غير مباشر ومباشر وبيتهموا بعض
بالكفر , وكل يوم لهم فتوى شكل , ولو شيخ قال فتوى مش على مزاجهم بيبحرموها وبرضه بحجج قويه ههههههههههه



عــــاطفه الانـــسان والـفطره والجنس

***************************

حتى عاطفة الانسان والاحساس اللى ربنا مانهاش عنه فى كتابه او عن سنه رسوله حرموه وحللوه بدون علم وبعلم , ولما تيجى سيره
البنت لازم نذكر معاها الجنـس والتقاليد والفتاوى تشتغل وغضب ربنا والمحرمات !! شىء مستفز بصراحه كأن الستات ربنا خلقهم للفتوى عليهم
انا مش فاهمه ليه كل مانذكر الحب لازم نذكر الجنس ؟ برغم ان ا لحب رابط روحانى , واتنين ربنا اختارهم لبعض وحببهم فى بعض فليه احنا نحرم
اللى ربنا زرعوا جوا اتنين من محبه خالصه لوجهه الله , واذاى نكفرهم ونشك فى اخلاقهم بموجب كلام مبنى على وجهت نظر الغير وعن نظريات
لأخلاقيات ناس تانيه خالص ......... هو مش بيقولوا ان كل انسان بيتكلم بموجب تجربته هو وحياته هو فليه نعمم تجربه انسان منحل او انسانه
منحله ونعممها ونحرم الحـب ونقول انه وهـم .. بالرغم من انه اعظم حقيقه ربنا خلقها لنا على وجهه الارض



اذاى نحكم على زواج بقصه حب انه هيفشل او ينجح!؟

***************************************

الغريب والاغرب اللى بشوفه وبسمعه ان فى ناس كتير ابتدعوا قصص وحكايات عن قصص الحب اللى بتنتهى بالزواج ال يعنى كانوا عملوا
ابحاث وحصروا عدد الناس اللى متجوزين كام % ههههههههههههه , اقرب مثل انه بيقولك لما اتنين يتجوزاو عن حب فبدؤا علاقتهم غلط
فلازم تنتهى بسرعه كلام بمنطق غلط ومش سليم , لان لو حتى كلمهم صح ففى زواج تقليدى وليس عن حب بينتهى بالفشل والطلاق
فهل ياترى ده كمان كان حرام عشان كده فشل ؟
طيب انا عمى كان متزوج تقليدى وفشل زواجه لانه دخل علاقه حب مع انسانه غير مراته والعلاقها لتقليديه فشلت , وعلاقه الحب انتصرت



هو ربنا قال فى نص صريح فى القرآن او السنه النبويه ان لازم نتجوز تقليدى ؟********************************************************

المشكله الكبيره واللى بتزداد يوم بعد يوم اننا ناس "عاطلين بالوراثه" وفعلا ناس كتير بتعجز عن عشق نمله لأننا محتجزين فى صومعه التقاليد
والعادات ومبدا الحرام والشك والتكفير اللى بنسمعله من معظم شيوخ الفضائيات وعايزين الزمن والعصور ترجع بينا لورا لاننا بكل صراحه
عايشين فى عصر "الف وتسعمائة وخشبة" ولاننا كمان لغينا عقولنا وبئينا ننساق ورا القيل والقال , برغم ان ربنا خلق لنا البصيره والتدبر
بين الحلال والحرام , وبعدين مافيش اى صله بين مشاعر انسان او الجنسين , فيها ايها لما شاب يشوف بنت ويعبر لها عن مشاعره باسلوب
محترم ويطلب منها الزواج , وهى توافق او ترفض؟ ايه الحلال والحرام فى كده ؟ هل وجدت خلوه بينهم؟ استحاله طبعا




هو ليه احنا بنختار الفتاوى المتشدده ونسيب الفتاوى الوسيطه؟

***********************************************

طبعا كلنا نعرف ان الاختلاف مع العلماء لا يكفر ولا يضر صاحبه وليس فرض من الفروض السماوايه اننا نتبعه ورا راى لعالم معين ونترك الباقيه
اما فروض اللى ربنا امرنا بيها فلازم كلنا الالتزام بيها ومخالفاتها اكيد طبعا حرام بدون الاستعانه بالشيخ فلان او علان ده امر بديهى ولها نص
صريح فى ا لقرآن الكريم وكانت السنه غطاء للقرآن الكريم واساس نزول الكتب السماويه وارسال الانبياء هو عدم الشرك بالله واطاعته وعبادته
يقول تعالى " وماخلقت الجن والانس الا ليعبدون " صدق الله تعالى



الزواج التقليدى ليس فى الدين من شىء ؟

*******************************

الزواج التقليدى ده الاسر اللى ابتدعته كالعرض والطلب والزواج بثقه ذى مابنشوف شباب بتقولك اختيار اهلى مبنى على ثقه .. انا برفض الراى ده
وكتير اوى بيخلق الاشكاليات وكتير مننا بسبب المشاكل والاشكاليات دى ابتدعنا مثل كلنا بنقوله " امشى فى جنازه ولا تمشى فى جوازه" طبعا مثل معروف
خاصه ان اغلب الزيجات يتفاجىء كل من الاطراف "الزوج والزوجه" طباع مختلفه عن شريك حياته مايعرفهاش وعليه انه يقبلها عشان التقاليد والعرف المزعوم


الاختلاط حراااااااام

**************
انا بسمع الكلمه دى كتير وهى ممكن تكون حرام وممكن تكون حلال ذى اكل لقمه العيش ممكن تكون حلال وحرام وده بيرجع للانسان نفسه
انا بشوف منتقبات بتنزل تشتغل فى جو مليان رجل وشباب وبنات فليه نقول الاختلاط حرام ؟ وليه مش نضع له اسس وقيم نمشى بيها؟
البنت دلوئت عشان الاختلاط حرام تقعد فى بيتها وتقولك تعليم ايه وشغل ايه ده حرام طلاما فى اختلاط؟ ايه الافكار الغريبه دى دى افكار متطرفه فعلا
المفروض فى عصرنا ده نكون اكتر ادراك للامور ونعرف نحسبها صح ونمشى بالعقل وتدبر الامور ونراعى ربنا فى كل حاجه بنعملها وكفايه بئى فتاوى
مالهاش لزوم ولها لزوم احنا تعبنا شتتوا دماغنا منهم لله .. برغم كل ده الا ان الجريمه فى تزاد والتحرش والاغتصاب ياترىا يه السبب؟؟
المفروض ان المراه تقف بجانب الرجل جنبا لجنب والرجل يقف بجانبها كانسانه وككيان فى المجتمه له حقوق وعليه واجبات مش نفضل نفتى عليها
ونحرم لها ونحلل لها لو فضلنا كده كل شىء هيبئى حرام والست هتكون مجرد غايه وجسـد بس ونرجع لعصور ماقبل التاريخ والعصور الجاهليه
وبكده هتكون مصر بيسودها ثقافه التجهيل والحرام والحلال برغم انها ثقافه قبائل صوماليه وباكستانيه وطالبانيه , مش ثقافه دينا السمح ابدا




دعوه عامه

*********

وفى النهايه دعوه للتفكر وتدبر الامور ومراعاه الله فى كل خطوه نخطوها , ربنا خلقنا احرار بفكر وحريه اختيار ليه نترك نفسنا تبع فلان او علان
ليه ماناخدش الى ربنا امر بيه وننهى عن اللى ربنا حرمه ؟ ليه مش نستعمل عقلنا احنا ليه مش نمشى بشكل مجارى للعصر ويكون وسط
وتكون شخصيتنا ملائمه للعصر والدين ؟

أرض النـِفاق !!

أرض النفاق

*********

انا هتكلم بجرائه اكتر فى الموضوع ده وهحكى فيه عن احتكاكى المباشر باصحاب القصص المنطبق عليهم كلامى فى الموضوع دهبس قبل مااكلم عن ابطال القصص الواقعيه , انا عاوزة اعرفكم احساسى وانا بكتب الموضوع ده انا حاسه انى فريده من نوعى وجريئه اوى وبشوف المجتمع بشكله الحقيقى من منظور مباشر من غير رياء او إصطناع كلام او كلامى مزوق من برا ومتغلف بغلاف من شيكولاته عشان اعجب الجمهور والكل يصفقلى بكل رياء ويقولى برافو عليكى جيبتى التايهه , لاء انا مش هعمل كدهانا هكلم عن المجتمع ذى ماهو وذى ماانا شيفاه وذى ماانتم شايفينه بس الفرق بينى وبينكم انى بكلم بعلو صوتى وانتم ساكتين عايشين وساكتينعايشين بازدواجيه وبشخصيتين عشان نرضى فلان وعلان والناس تقول علينا احنا كويسين حتى لو بنفاق او رياء

ازدواجيه المجتمع المنافق

****************

احنا شعوب غريبه اوى عايشين فى الحياه بوشين نفاق فى نفاق وعايشين عشان نرضى الناس وبس وعشان يقولوا علينا محترمين وكويسينومش مهم بئى اى حاجه تانيه المهم كلام الناس ورائيهم فينا , وبعد كده لو عاوزين نعمل اى حاجه هنعمله برضه بس من تحت لتحت او تحت الشجر ياوهيبه ههههههههههههه عالم غريبه اوى عاملين اهميه لشويه بشر منافقين ومش عاملين حساب لله سبحانه وتعالى احنا فعلا عرب هههههههوهى دى فعلا المثاليه فى مجتمعاتنا الشرقيه والعربيه هى دى الاخلاق العاليه والتدين الراقى بتاعنا

ومن القصص اللى احتكيت بيها قصه الاستاذ ع.ف

********************************

قصه كل يوم بتحصل وهتفضل تحصل ليوم الدين , الاستاذ الفاضل عمره 40 سنه خريج تجاره المنصوره بيشتغل فى الاعمال الحرهالاستاذ الفاضل بعد مااخد البكالريوس هاجر على ايطاليا ذى ما اغلبيه الشباب بتعمل طبعا الاستاذ ده من اسره متدينه بيسودها جو التدين والاخلاق العاليهالمنافقه اللى اتكلمت عنها وطبعا راى كل الناس انهم ناس متديين وربنا يكرمهم ويدخلهم فسيح جناته ههههههههههههه الاستاذ ع.ف لما هاجر لايطاليا عشان يختصر الطريق اتجوز ايطاليه عشان ياخد الجنسيه ويقدر يشتغل ويسكن معاها من غير مايتعب , اتجوز ايطاليا على غير دينه وغير عاداته وتقاليده , طيب هنا بئى السؤال اللى عاوزاله جواب "لو كان فى مصر كان هيوافق انه يتجوز بنت متحرره شويه ؟"نفسى حديجاوب سؤالى ده , بس انا عندى الاجابه اللى يمكن ماتعجبش معظمكم وهى " لاء طبعا استحاله ممكن يتجوز بنت مصريه متحرره ولو كان تحررها فى لبسهااو طريقه حياتها " عارفين ليه ؟ لانه منافق كل اللى يهمه شكله قدام الناس ومصلحته الشخصيه والمجتمع المنافق لكن لما طلع برا دايره النفاق بتاعت المجتمعحب يظهر على حقيقته وشخصيته ويقول ماحدش شايف ولا عارف حاجه المهم انا وخلاص منها متعه ومنها فلوس والذى منه , ومرت الايام والسنين على الاخ ع.فده وهو عايش فى حياه بيسودها التحرر وشبهه الانحلال وجمع الماده , وبعد اما إكتفى من كل ده حب انه يرجع تانى لأرض النفاق فياترى يعمل إيه؟ طلق الاخت الايطاليهعشان طبعا ماينفعش واحده متحرره تدخل ارض النفاق عشان شكل الاخ ع.ف ومركزه الاجتماعى فى دايره النفاق هيتهز قدام المجتمع المصطنع المنافق , المهم طلقهاولم هدومه فى شنطه السفر وركب طيارته وسافر لآرض النفاق , ودلوئت الاستاذ ع.ف بيدور على عروسه مصريه متدينه ومن مميزاته " التدين -الصدق _بيصلى-وبيصوم" يعنىبصراحه راجل كامل من مجامعيه وراجل محترم اخر حاجه دى صفاته بالنسبه للبنات الغير متحررين ,اما البنات المتحررين شويه فممكن ياخد عليكى اوى بمقابل مادى او بمقابل اى شىءمافيش عنده اى مشكله , وبرضه تلائيه بيصلى وبيصوم ,وحافظ كتاب الله .. خلاصه القصه " هو ده مجتمعنا المتدين " بكل صراحه انا فخوره انى من أرض النفاق

الاستاذه ج.ك

**********

عمرها 36سنه وبتشتغل مدرسه .. مربيه فاضله يعنى بكل ماتحمله الكلمه من معانى ومصطلحات ههههههههههه الست دى كانت عامله علاقه مع ميكانيكى برغم انها من عيله وطبقه اجتماعيه مش ينفع انها ترتبط بميكانيكى , وتطورت العلاقه وابوها عرف الموضوع واخواتها الولاد كمان لكن فضلت متمسكه بحبها من الشخص ده وكانت بتقابله وبتلبس قصير ورغم كل ده كانت لابسه قطعه قماش على شعرها , واتحدت اهلها واتجوزته ولما اتجوزته لما تتكلم معاهاتقولك انا ايه جوزنى ده وانا ضد جواز الحب وتفضل تتكلم عن ربنا والدين برغم ان كل كلامها خادش للحياء وشتايم قذره وقبيحه وبرغم كل ده تحسسك انهامحترمه وعلى دين وخلق وكفايه انها محجبه وملتزمه قدام المنافقين .. اقولكم ايه اكتر من كده اصلها من أرض النفاق


قصص كانت ايام دراستى فى الاكاديميه

*************************

انا بنت خجوله شويه يمكن انا جريئه فى الكلام والردود لكنى بطبيعتى خجوله ومش بتكلم مع اى حد بسهوله غير لما يكون فى سابق معرفه بينى وبينه المهم اتعرفت على بنتين الاخت /م ....والاخت /أ البنتين دول محجبات شكلهم محترم اخر حاجه قولت هما دول انا اتعرف عليهم وشكلهم كويسومين عارف يمكن نعمل شله جامده اخر حاجه , " على فكره انا مش بقول ان كل المحجبات وحشين بس انا بكلم عن اللى حصلى ومش تقليل فى المحجبات او غيرهم" اناكل اللى اقصده اننا فعلا فى ارض النفاق ومش كل شىء بيلمع او بيبرق دهب , والمظاهر خداعه ومش معنى ان فلان او فلانه بتقول ان فلان ده محترم يبئى نقول فعلا صحالمهم انا تعبت اسبوع ومش بئيت اروح الاكاديميه بسبب تعبى ولما خفيت رجعت الاكاديميه لئيت الاخت /أ مظبطه مع شاب وقاعدين مع بعض فى ا لركن ا لبعيد الهادىولافف دراعه على ضهرها , والاخت/م مظبطه شباب بالكوم , طبعا انا بعدت ومش كلمت اى حد فيهم ومن يومها عرفت ان مش معنى عشان فلانه لابسه محترماو حاطه قماش على شعرها ده دليل على انها محترمه , لكن كل الموضوع انهم حبوا يتعايشوا مع جو ارض النفاق ويدخلوا جوا الدايره بتاعت النفاق دى كل الحكايه


اوعى تعمل نفسك إله الشمس شكلك منهم هههههه

******************************

الغريبه بئى انك تلائى كل بنى ادم مالوش فى اى حاجه او مالوش اى لزمه وتلائيه عايش حياته بالطول وبالعرض تحت الشجره هههههههه ينصب نفسه إله ويعملنا فيها واعظواخصائى اجتماعى ويفضل ينصحك ويكلمك فى الدين والاغرب من كل ده تلائيه بيصلى وحافظ بعض آيات القرآن الكريم والاحاديث ولما يقلب على شخصيته التانيه تلائيه الفتى الكولمتحرر يكلمك بكل وقاحه وقله ادب مع اللى تهادوه طبعا مش غريبه لانه من ارض النفاق , يفضل يعملنا فيها إله الشمس ويخطب ويقول مواعظ وخطب دينيه وهو تلائي ابليسواخد معاه عهد بالانحراف والانحلال وتلائيه معاه رخصه مسجله فى قله الادب والسفاله هههههههههههه والنموذج ده فى منه كتير اووووووووووووووووووووووووووووووووىانا مش عارفه الناس دى بتراعى المنافقين ومش بتراعى ربنا ؟ سبحان الله هو ده التدين بتاعنا للناس فقط ومش لربنا؟ عشان نرضى المجتمع المنافق ده نعيش بشخصيتين , لكن ان دل على شىء بيدل على التربيه المنافقه اللى اتربينا بيها وعليها اللى هتفضل جوانا وهطاردنى فى كل مكان " يمكرون ويمكر الله والله خير الماكرين" مش هتعرفوا مهما حصل لو نافقتوا العالم كلهمش هتقدروا تنافقوا دينكم قدام ربنا , انا فخوره انى من أرض النفاق


السلام ختام

********

انا خلصت وهسيب لكم الحكم انا عارفه انكم هترفضوا كلامى لان معظم الناس مش بتحب تواجهه نفسها بالحقيقه والصراحه برغم ان الكل عارف ان فى حاجه مش صحيحه لكن هيعمل ايه لازم نتعايش فى دايره النفاق .. اللى انا بحاول اطلع منها وبحاول افوق نفسى واوجهه الناس بالحقيقه اللى يمكن عاوزين غيرهم يفوقهم بيهاوموضوع ده دعوه ان الكل يعمل اللى يرحيه ويرضى ضميره هو مش يريح حد تانى او عشان الناس تقول اننا كويسين لان كلام الناس مش بيقدم شىء ولا بيأخر شىء فغى الاول والاخر اسمه كلام , بس المهم اننا مانعملش شىء مش مرتاحين له ولا راضيين عنه , لكن نعمل اللى حاسينه وحابينه واللى يرضى ربنا سبحانه وتعالى ولوجه الله مش لوجه فلان وعلان ..