إرتباط الإنتر نت .. وماأدرآك بعالم النــت
****************************
كتير مننا بيسمع عن الارتباط على النت , وناس مؤيده وناس رافضه , واللى رافض معاه حجج قويه وعن تجارب شخصيه
واللى مؤيد معاه حجج قويه وتجارب شخضيه , واللى يقولك ده ارتباط النت ذى الصالونات والاتنين وجهان لعمله واحده
وتعدد الاقاويل والقيل والقال , والله اعلم اى فيهم هو الصح واى فيهم الغلط؟
هو الانسان اللى بيحرك فكره ولا الطريقه اللى بتحركه؟
*****************************************
طريقه الارتباط على النت ممكن تكون جميله اوى لو كانت فيها مجال من الصدق والصراحه , ومراعاه الضمير بين الطرفين
لكن اللى بيحصل الاغلبيه العظمى على النت بيحبوا يعيشوا ويتقمصوا شخصيات غيرهم تمام ,سواء كانوا شباب او بنات
ويبتدى الغش والخداع والكذب , طيب هل ده ياترى من الطريقه نفسها ولا من الناس نفسهم؟؟
مهو الناس اللى بتتعامل بالشكل ده على النت اكيد عايشه حياتها بالشكل ده , مهو المبدأ مش بيتغير ولا بينقسـم
بس انا عايزه اسال هما ليه بيعملوا كده ؟ وهيستفادوا ايه؟
انت ممكن تخدع بنت فعلا كويسه , وانتى ممكن تخدعى شاب فعلا كويس " بأى منطق بأى عقل بأى ضمير .. يسمح لنا اننا نرتكب
الجرايم البشعه دى فى نفسنـــا " ولو قولتولى ايه المبرر انكم تعملوا كده انا يمكن ارتاح بنسبه 25% ويمكن اقول عندهم سبب لده
نظريه الافتراض وحل وسطى
********************
دلوئتى بنات كتير وشباب كتير مش مختلطين بالعالم الخارجى كفايه , ونظرا للبطاله بيكون مافيش اختلاط بين الجنسين فى العمل
وممكن البنت تقولك دى طريقه كويسه للتعرف على الاقل قاعده فى بيتى واهو احسن من جوازا لصالونات على ا لاقل اسمى اتكلمت
مع الشخص ده وعلى ا لاقل فهمته وعرفته بنسبه معينه , والشاب كمان ممكن يقول نفس الشىء , وممكن فعلا يحصل بينهم انجذاب فكرى
وروحى وبيحصل , وممكن لاء وبيحصل برضه فمن رائى انه لازم الانسان اللى دخل تجربه ذى دى يحط فى اعتباره انها تجربه تحت الافتراض
يعنى ممكن اة وممكن لاء عشان لو حصل فى الامور امور مش ننجرح , ونقول انها تجربه ومرت ونقدر نستفاد منها بعد كده فى حياتنا
وده ممكن نسميه حل وسطــى
فين الاهل من كل ده؟! " للبنات " ودعوه للشباب ايضا
*************************************
ليه البنت مش تصارح على الاقل مامتها ؟ او اختها الكبيره؟ او حد من قرايبها بتثق فيه , عشان يكون معاها خطوه خطوه ويرشدها ويوجهها
صح وينصحها , لان مهما احنا عرفنا فلان ده فمش عرفناه برضه , واحنا اظن فى زمن غريب وصعب وماحدش فيه ممكن يدى ثقته فى اى
شخص بسهوله من كتر البلاوى اللى بنسمعها , فلازم لازم لازم حد من اهلك يعرف واظن انه مش عيب وده الصح , فلازم تدرسى التجربه
انتى والشخص اللى يعرف علاقتك دى ويكون من اهلك , وتحطيه تحت الاختبار من كل النواحى وتسمعى كلام الاكبر منك وتبصى بمنطق عقلانى
اكتر من العاطفى , وياريت هو كمان لو كان قايل لحد من اهله والاهل يتكلموا مع بعض هيكون اجمل ده لو سمح الامر لذلك
ولو حصل توافق وعرفتوا انكم اختارتوا بعض صح كان بها , واقدر اقولكم الف مبروك , وممكن يحصل بس قليل اوى وبرضه
العيب فينا احنا مش فى الشىء
يااااااااااه انا حبيت حد ماكنش كويس خساره الحب ده كله
*******************************************
بنسمع الكلمه دى كتير من بنات وشباب , وللاسف بيعيشوا فى حزن لمده طويله اوى وبيفقدوا الثقه فى كل اللى حواليهم
او ممكن عشان ينسوا حب يدخلوا فى حب جديد , وده غلط المفروض الانسان ياخد كل تجربه وموقف مر عليه بشجاعه وذى ماقولنا
دى هتكون تجربه افتراضيه الى ان يتاكد كل من الطرفين مشاعر الاخر , فبلاش نعيش الحزن ونضيع اجمل ايام ا لعمر على من لا يستحقون
مشكورة على ما كتبتي وبصراحة كلماتك ميدة جدا وتدل على ثقافة كاتبها بالحياة ووعيه
ردحذفاولا:ارتباط النت ممكن ولكن تحقيقه عمليا نادر لانه الغالب في النت يكون شيء وفي الواقع شيء اخر يعني نادرا ما تدي الشاب صادق بعواطفه ومشاعره وكذلك الفتاة اما لو اردتي تحقيقها لا يكفي النت وانما يجب على الشاب ان يسأل عن الفتا واهلها في منطقتها ويتقم لها حسب الاصول وكانه ما عرفها اصلا من النت وعادة ما يسأل اهل الفتاة عن الشاب قبل الموافقة فيكون الشيء واقعي وينعرفو على الواقع وهذا هو الصحيح وما اؤيده انا " وجهة نظر "
ثانيا: الشباب بحبو اكتر يتعرفو على البنات ويعرفو ميولهم ورغباتهم ويخالطوهم في النت طبعا البنات تحب تعرف عن الشباب وسلوكهم ولكن الشباب اكثر
ثالثا: بكل صراحة اغلب الاهل اليوم منغلقين وما يتعاملو مع صدق بناتهموثقة بناتهم فيهم ولو سألتيني ازاي يعني ؟؟ اوضحلك لو البنت صارحت اهلها بانها بتكلم شاب على النت ومرتبطة فيه ومن هالكلام ممكن الاهل يفصلو النت فورا ويمنعو البنت حتى من الجلوس امام شاشة الكمبيوتر وممكن يمنعوها تخرج من البيت ويضعو امامها عراقيل فقط لانها صارحتهم وصدقت معهم ولهيك اغلب البنات والشباب يخفو عن اهلهم ما يحصل معهم على النت
تعليقي طويل واعتذر ,,,, ولكن لاهمية موضوعك احببت ان اكتب كل ما في جعبتي حول الموضوع
اكيد . لكن انت عارف ان الحصول على عمل شىء صعب ا والعمل الطريق الوحيد للتعارف والاختلاط , لكن اللى مش بيشتغل هيعمل ايه؟ النت فى ناس محترمه عليه وصاقدقه و وانا بعترض علىا للى يقولك كلام النت هس , طيب منتا ممكمن تقابل بنت مش محترمه فى الحقيقه وتلعب بمشاعرك العيب مش فى الطريقه العيب فينا احنا .. وبعدين احنا من حقنا نختار شريك حياتنا بالشكل اللى مرتاحين له , ومش كل كلام الاهل بيكون صح ولا اختيارتهم ولا كل اختياراتنا او كلامنا صح , لكن فى بنات وشباب عقلهم ارجح من عقول ابائهم
ردحذف