--------------------
الانسه العانسه :_
-------------------
كتير بنشوف المصطلح ده خاصتا اليومين دول , مش عارفه انا بشوف ان المصطلح ده مش متلائم مع العصر والتقدم اللى احنا عايشين فيه وبشوفه انه مصطلح الجهل
يمكن زمان ماكنش له وجود المصطلح ده , بسبب انتشار الجهل , ودلوئت مع التقدم ظهر بشكل كبير اوى , انا بستغرب انه اذاى فى ناس بتفكر بالمنطق ده وبالعقليه دى
وفى جروبات عن العنوسه ومنتديات ومدونات , بصراحه مصطلح سخيف وان دل على شىء بيدل على تدهور وحاله المجتمع السلبيه والانحدار الفكرى والثقافى لمعظم المجتمع .
من اهم اسباب انتشار ما يسمى بالعنوسه
*************************
الانفتاح الثقافى وتحرر المرأه فكرى وثقافى واعتمادها على ذاتها وطموحها والمساواه العلميه والعمليه فى المجتمع:_
دلوئت بنات كتير اوى بترفض اى عريس يدق على الباب , ولها صفات معينه فى الشخص اللى هترتبط بيه , والبنت تقدر تقول اة او لاء على عكس زمان
كانوا البنات اول مايدق الباب عليهم بعريس تتشعلق فيه وتتمسك بيه برغم انه ممكن مايكونش مناسب ليها بس تقول المثل الشهير اللى مالوش اى معنى
ضل راجل ولا ضل حيطه , انا مش بقتنع بالمثل ده لان فى حيطان كتير اوى ضلها افضل من ضل رجاله كتير اليومين دول
البنت زمان ماكنش لها راى او فكر وكانت مريحه دماغها اوى ويلا اللى يجى منه احسن منه هههههههههه , وده نتج عنه تدهور جيل باكلمه وانتشار الفساد والامراض النفسيه
لان امهات زمان كانوا عايزين عريس وخلاص ومش مشكله هو ايه او طباعه ايه والضحايا الاطفال اللى هما الجيل بتاعنا ده , البنت دلوئت لها هدف وطموح تقدر تعتمد على نفسها
وتشتغل وتدرس وتختار شريك حياتها بشكل سليم , وتقدر تقرر مصير حياتها وتقرره ذى ماهى عاوزة , وعلى مااعتقد انه صح على الاقل هتعيش حياه مرتاحه فيها+ انها مش
هتكون مطلقه وهتوفر كتير اوى على محاكم الاسره القواضى المنتشره + انها هتربى جيل خالى من ا لامراض النفسيه .. وغيرها من الايجابيات ...
الاهالى وتحكمهم فى المهور والشبكات والشقق وخلافه
*********************************
انا مش عارفه ليه معظم الاهالى بتعمل كده, بيكون الشاب محترم واخلاق ومستقبله ناجح وبنتهم بتجبه وهو شارى بنتهم وهما يحبكوها , كان بنتهم سلعه اللى يدفع اكتر يشيل
اسلوب غير لائق والله لو كل اب بص للموضوع من ناحيه اللى انا شايفاها هيعرف انه غلطان , يعنى ايه عريس غنى ويدفع فى بنتك اكتر , هى بنتك ياعم الحج انت سلعه؟
وتلائى الجمله المشهوره بتاعت كل اب وام .. اللى مش هيدفع فيكى هيبيعك هههههههههههه , طيب ماهو لو عاوز يرميها ويبيعها ومش طائيها هبيع وهيسيب كل حاجه لها
ويقولها غورى , سبحان الله هو اللى بيكره حد ومش شاريه اللى هيعوقه ايه؟
وبعدين ماممكن يخرب بيت عيشتها ويخليها تتنازل له على كل شىء , هو ياعم الحج عشان انت عاوز تتفشخر قدام الناس بان واحد جه اشترى بنتك بقد كده ,يبئى تكون الضحيه بنتك؟
البطاله ***
انا بستغرب اوى فى شباب وبنات خريجين بيشتغلوا وفيه ناس مش بتشتغل , انا دايما بقول لنفسى حاجه اللى عاوز شىء بيعمله واللى عاوز يوصل بيوصل , بس العيب فينا احنا
وفى اهالينا اللى مش عاوزينا نختار ونقرر ونجرب , خايفين من كلام الناس والحاجات الغريبه دى , على فكره الاهالى هما اكبر سبب فى حاجات كتير مش كويسه بتحصل لنا
ذى المثل الصينى اللى بيقول الدب اللى خنق ولاده عشان خايف عليهم , عاوزينا نعيش حياتهم من غير مانختارلنا حياه باستقلاليه وتفكير ذاتى نابع مننا احنا ارحمونا بجد..
هو فى سن معين لجواز البنات؟
*******************
ناس كتير اوى فى دماغها ان فى سن معين لجواز البنت كانهم هما اللى بيحدودوا , ونسوا ان كل شىء مكتوب , وان قدر الله وماشاء فعل , انا بفتكر زمان لما كانوا
بيقولوا لنا ان كل شىء مكتوب وربنا كاتب لنا حياتنا وماحدش يعرفها غيره سبحانه وتعالى , فليه كل شىء بنقول عليه انه بامر الله الا جواز البنت؟
ولا هى كلمه اتعودتوا عليها فى كل شىء الا فى مشاكل ولادكم وبناتكم؟! شىء غريب ومستفز فعلا ال ايه من سن مش عارفه كام لكام ده السن المطلوب للجواز
هو الجواز بالنسبه لهم ايه .. جوازه وخلاص عاوزين بناتهم تعيش بنفس طريقتهم برغم انهم تلائيهم مش طائيين حياتهم دى وبرغم كده خايفين من كلام الناس
ومش مشكله بئى البنت الضحيه دى تتجوز مين ؟ وبعد كده يحصل ايه , المهم الناس ماتئولش انها عانس وان قطر الجواز مش فاتها , ومش مشكله بئى بعد كده لو
خلعت جوزها او اطلقت او عاشت عيشه ذى الزفت , المهم الناس وكلامها والمهم تتستر , برغم ان ربنا الستار بس الكلمه الشائعه عاوزين البنت تتستر
مع ان ممكن تتجوز واحد مايكونش ........... سبحان الله كلام غريب ومجتمع اغرب شايف مشاكل وبلاوى وكوارث ولسه بيفكر باسلوب
مستفز , غيرنا طلع القمر وعمل فنادق فى ا لفضاء , واحنا عايشين فى خنادق تحت الارض ذى الفيران , حياه روتينيه مافيهاش منطق ولا فكر ولا مبدأ ولا جديد...
ولا حياه في من تنادى .... صوتى راح خلاااااااااااااااااص
ليست هناك تعليقات:
إرسال تعليق